Në familjen e Julkës dhe Andit sot ka festë, edhe pse në kushte izolimi. Është datëlindja e Ian dhe nuk mund të mungonte një urim nga mami Julka. Nëpërmjet një video me momentet më të bukura mes të katërve, Ian mori kartolinën më të bukur nga e ëma. “Faleminderit për djalin e mrekullueshëm që po rritet dita-ditës. Ti përpiqesh çdo herë që të më bësh krenare me medaljet e kupat që merr në shkollë, por për mua ti je krenaria vetë, je trofeu më i madh që kam fituar në jetë”, ka shkruar ndër të tjera Julka.
Ndonëse në shtëpi, mami i ka sjellë pranë Ian njerëzit më të dashur të vogëlushit, nëpërmjet disa fotove të ngjitura në mur, enkas për të surprizuar protagonistin e ditës së sotme. “Nuk ka ndjesi më të bukur se sa të shohësh syçkat e tu me lot gëzimi”, ka shkruar Julka, ndërsa ka gjetur rastin të falenderojë çdokënd që është i pranishëm në jetën e Ian. Një surprizë e veçantë, që e ka zbukuruar këtë datëlindje! /News31.al
