Prej disa javësh, moderatori i njohur, Ardit Gjebrea ka zgjedhur të shfaqet në skenën e programit ‘E diela shqiptare’ edhe duke kënduar.
Këtë të dielë që lamë pas, Gjebrea performoi sërish në piano së bashku me artisten e njohur, Aurela Gaçe. Arditi nuk i fshehu emocionet e kësaj performance edhe në postimet e tij në rrjetet sociale.
“‘Jeto dhe jetën time’. Jetova dhe njëherë dhe përhumba në tinguj. Faleminderit @aurelagaceofficial që e ndamë bashkë mallin që kam për atë që dashuroj”, ka shkruar Gjebrea krah fotos ku shfaqet së bashku me Gaçen duke performuar.
Arditi ndahu edhe momente të tjera nga kjo performancë, duke u treguar ndjekësve emocionet që ndjen sa herë i rikthehet muzikës.
