Ditët po kalojnë dhe Sara Hoxha po i afrohet pak nga pak fundit të shtatzënisë. Ndonëse ajo nuk ka treguar se në çfarë muaji ndodhet, mediat pranë çiftit kanë bërë me dije se në nëntor pritet që bukuroshja shqiptare të sjellë në jetë vajzën e saj.
Kemi parë se pjesën më të madhe të shtatzënisë ajo dhe Ledri e kanë kaluar pranë detit dhe po ashtu Sara ka treguar se ka shumë neps, teksa reperi duket të jetë shumë i dhënë dhe vëmë dorën në zjarr se do jetë një baba shumë i përkushtuar.
Në këto muaj, autori i hitit “MEM” është kthyer në një ndihmë të madhe edhe sa i përket veshjes së partneres së tij, pasi kjo e fundit ia huazon rrobat.
Sara ka postuar një foto në Instagram ditën e djeshme, teksa ka shkruar:
Vetëm atletet nuk janë të tijat dhe kjo (të veshurit rrobat e Ledrit)ka qenë një shpëtim për mua së fundmi!
Nëse po pyesnit, këmishën ia pamë Ledrit veshur jo më larg se në baby shower që ata organizuan pak ditë më parë.
Çifti më IN i showbizit realizoi një super festë, me të ftuar figura publike, njëherazi dhe miq të tyre, duke festuar deri vonë me këngë e valle.
Ndërkohë, reperi ka publikuar edhe një super këngë të titulluar “Si baba” që është dedikim për të voglën.
Nuk dihet ende se kur do vijë në jetë vogëlushja më e folur e momentit, por thuhet se çifti do zhvendoset në Gjermani për disa kohë.
Në shtetin ku Sara ka jetuar para njohjes me Ledrin do vijë në jetë edhe vajza e tyre!
