Mbrëmjen e sotme Jonida Maliqi do të nisë një rrugëtim të ri, si moderatore e emisionit “Jonida’s Room” në Vizion plus. Këngëtarja, tashmë dhe moderatore ka zbuluar përmes postimit të fundit në Instagram të ftuarat e puntatës së parë. Mes tyre na ra në sy këngëtarja e mirënjohur dhe shumë e dashur për publikun shqiptar, Alma Bektashi. Alma prej vitesh është shkëputur nga ekrani dhe intervistat e saj janë të rralla, por Jonida më në fund e ka rikthyer sërish duke na ngjallur shumë kuriozitet për puntatën e sotme. “Jonida’s Room” do të transmetohet çdo të shtunë në orën 19:45 dhe do të ketë karakter “lifestyle”. Të ftuara të tjera janë Mariza Ikonomi, Orgesa Zaimi, Klea Huta, Rovena Dila, Odeta Banushaj, Isida Mollaymeri, Dojna Mema.
