“Sekreti kryesor për mbajtjen e trupit në formë është qëllimi dhe jo mjeti me të cilin e arrijmë”. Kështu është shprehur atletja e njohur, Klodiana Shala, teksa ka shtuar se edhe shtatë minuta në ditë do të ishin të mjaftueshme për ta bërë këtë.
“Sekreti është mbajta në formë, se si e mbajmë ne në formë a me not me kuzhinë e ma hipje shkalle, kjo është kryesorja në trurin tonë”, u shpreh Klodiana teksa ishte e ftuar në emisionin “Opinion”.
Sipas saj, kryesorja është të merremi me aktivitet fizik, se si, a dua të bëjmë 80 minuta, a më pak. E pyetur nga gazetari Blendi Fevziu se sa është stërvitja më e shkurtër, u përgjigj “30 minuta”.
“Më e shkurtra është dashnia”, tha i ftuari tjetër Arbër Çepani, deklarata e të cilit shkaktoi ilaritet në studio. Sa i përket kësaj teme, atletja tha se ekziston një lidhje mes aktivitetit fizik dhe seksit.
“Ka një përqindje dhe ajo të bërit seks me të bërit aktivitet fizik. Janë tani gjërat shumë të thjeshta që ne mundemi të merremi me aktivitet fizik duke bërë dhe një stërvitje 7 minutëshe edhe duke bërë mbledhje ne mund të bëjmë ushtrime për krahët. Në zgjedhje të programit profesional për ta bërë, për trupin tonë, kombinuar me regjimin ushqimor, edhe 7 minuta në ditë, në zyrë a shtëpi. Absolutisht sekreti është të mbajturit në formë, se çfarë zgjedhim, të lëmë ashensorin e të hipim shkallët, a të bëjmë hapa”, tha Klodiana Shala.
