Shkak për daljen e menjëhershme të tij ëhstë bërë përkeqësimi i gjendjes shëndetësore. Teksa nisën të diskutonin me njëri-tjetrin, banorët thanë se Zarka mund të ketë pasur probleme me apandesitin, pasi ishte ankuar disa herë në shtëpi.
Për shkak se i duhej të vazhdonte kujdesin mjekësor, Igli e ka pasur të pamundur të rikthehet në lojë. Një ditë pas kësaj ngjarjeje, aktori ka reaguar për herë të parë me anë të një postimi në rrjetin social Facebook.
Ai ripublikoi një shkrim të vjetër, krah së cilit shkruan se nuk i druhet dhe as i frikësohet të ardhmes.
“Dua t’i përgjigjem të ardhmes.
Nuk kam frikë nga ty. Ti do vish dhe sido të vish, unë krahë hapur do të pres. Në mos qofsh e pastër kristal, e ndyrë nga koha, unë do të të pastroj. Ti i druhesh së shkuarës, pasi mendon se ajo infektoi të tashmen. E di…
Unë, nuk kam frikë nga ty. Dikur pëshpërisja se të luash me frikën, është si të luash me zjarrin. Sepse në zjarr u dogj Fenixi dhe rilindi përsëri nga hiri. Por mjaft folëm për të tashmen…
Në qofsh fshehur, aty, në hapin tjetër që do hedh, unë do bëj kujdes mos të shkel. Sytë do i mbaj në tokë.
Nëse si hije do vish, kujdesu të lutem pas meje të rrish, sepse unë do ndjek diellin. Kur të lindë e perëndojë…”,- janë fjalët që Igli ka shkruar.
