Sara Hoxha ishte mbrëmjen e djeshme e ftuar në emisionin “Goca dhe Gra”, ku mes të tjerash foli për mëmësinë.
Ajo tha se ia kishin bërë të tmerrshme, por për të nuk ka qenë e tillë sepse ka pasur shumë ndihmë, nisur nga mamaja e Ledrit. Bukuroshja shtoi se vetëm pjesën pas lindjes e ka vuajtur pak.
“Unë kam shumë ndihmë. Mami i Ledrit është kryesorja. Nuk janë të gjithë në këtë situatë prandaj nuk mund të them bëni sa më shumë fëmijë. Nuk është aq e vështirë. Mua ma kanë bërë më të tmerrshme, nuk do bësh më gjumë, nuk do bësh më këtë, nuk do bësh më atë. Për mua nuk ka qenë ashtu. Kam vuajtur pak me pjesën pas lindjes. Mendoja se isha e informuar, por jo. Pas lindjes unë flisja vetëm me nëna, nuk flisja më me shoqet që nuk janë nëna. Kisha nevoja për dikë që të më thoshte do të kalojë. Është gjëja më e bukur që mund të ndjejë një person. Unë mezi pres të iki në shtëpi ta takoj. Më merr shumë shpejt malli”, tregoi Sara.
