Këngëtarja e njohur, Jonida Maliqi, është mjaft aktive në profilet e saj në rrjetet sociale, ku ndan foto e video të ndryshme. Një ditë më parë, ajo ka ndarë me ndjekësit disa momente të bukura me të birin, i cili festonte 11-vjetorin e lindjes.
Mami Jonida vendosi që Danit t’i bënte një urim publikisht, duke mos ngurruar që të postonte foto dhe video nga festa e tij. Nga këto pamje vihet re se sa shumë është rritur.
“U bënë plot 11 vjet që erdhe në këtë jetë dhe ti je i vetmi që më dhuron kaq shumë dashuri qetësi dhe lumturi. Të dua përjetësisht biri im! Gezuar ditelindjen!”, ka shkruar këngëtarja krahas fotove.
Ndërkohë kujtojmë që Dani jeton vetëm me Jonidën, pasi kjo e fundit është divorcuar prej disa vitesh nga ish-bashkëshorti.
