Blero dhe Afrona vazhdojnë të jenë shumë të komentuar në media pas ndarjes së tyre. Pak kohë më parë Blero akuzoi me deklaratat e tij se Afrona kishte në fokus paranë dhe e shfrytëzonte vetëm për interesat e saj.
“Realisht nga fillimi lidhjen e kam ndjerë si një lloj aktrimi. Gjithmonë ka qenë në fokus paraja, sa ka pasur gjithçka ka qenë e bukur ndërsa kur i kam kufizuar shpenzimet, jam parë si i keq. Dhe nuk është që s’jam mjaft inteligjent për t’i kuptuar këto gjëra, por kam heshtur vetëm për të parë deri kur po shkon. Dhe siç ka filluar, ka mbaruar. Kam dhënë para për t’u hapur biznesi jonë dhe si është arritur qëllimi, ajo është zhdukur. Nuk ka reaguar në asnjë tentativë timen. Nuk ka mbetur asnjë opsion tjetër, përveçse të ecë me hapa ligjorë”, tha Blero në një intervistë për “Prive”.
Ndërkohë Afrona duket se me postimin e fundit ka treguar qartë se është e lumtur me lidhjen e re dhe nuk i interesojnë lajmet.
Ajo ka ndarë një “selfie” me të dashurin, duke e shoqëruar me një zemër. Partneri i saj është biznesmen në Zvicër dhe quhet James Dyer Smith.
Kujtojmë që Afrona me të dashurin e saj prej muajsh kanë filluar të bashkëjetojnë në të njëjtën shtëpi.
