Surpriza e radhës në Dancing With The Stars ishte një emër i njohur i muzikës së vërtetë shqiptare.
Irma Libohova performoi në spektaklin më të famshëm të kërcimit, për kënaqësinë e gjithë të pranishmëve, dhe spektatorëve të shumtë që ndjekin nga ekrani. Ajo këndoi këngë të lehtë shqiptare, teksa salla u ngrit në këmbë për të shijuar ritmet e muzikës së mrekulleshme, të kënduara nga një zë brilant, si ai i Irmës.
Sakaq, spektakli paralajmëron surpriza të tjera po kaq emocionuese, ndërsa këngëtarja Irma Libohova do t’i rikthehet përsëri skenës, për të plotësuar dëshirën e gjithë adhuruesve në garën më të madhe të kërcimit në vend.
