Publicisti dhe moderatori Mustafa Nano rikthehet sërish në teatër me një stand-up komedi me titullin “Nuk ka kurva në këtë botë”. I ftuar në një bisedë me gazetaren Rudina Magjistani, Nano tregoi se ai do paraqesë përjetimet e tij personale mbi seksin, gruan dhe barazinë gjinore. Publicisti vendosi të ndajë me publikun për herën të parë që ka kryer marrëdhënie seksuale.
“Hera ime e parë ka qënë me një grua, që në zhargonin e ditës e cilësojmë ndryshe por nuk dua ta them, e ka qënë një eksperiencë tronditëse. Kam qënë një gjë e virgjër, një produkt librash, shumë i ndrojtur. Kur e shoh Muç Nanon në moshën 15-vjeçare, shoh një gjë të ndrojtur. Unë jam i dashuruar me atë Muç Nano.” – tregoi ai.
Gjatë këtij monologu, Nano tha se do të flasë edhe për orgazmën. S’mund të kuptohet një bisedë për seksin pa orgazmën mashkullore e femërore,nënvizoi ai.
