Rudina Dembacaj është padyshim një nga aktoret më të komentuara në media e rrjete sociale dhe shumë e dashur për publikun me rolet e saj. Së fundmi Rudina ishte e angazhuar me emisionin “Në kurthin e Piter Pan” ku luante rolin e Pipit. Ndërsa me nisjen e sezonit të ri televiziv ajo ka deklaruar se do të nisë një program humori. Por para se t’i futet punës, Rudina ka vendosur të marrë pushimet dhe ndodhet aktualisht në Shëngjin.
Aktorja ka postuar sot për herë të parë një foto me rroba banjo ku shihet e shtrirë në peshqirin e plazhit, e relaksuar, me flokët e shpupurisura e syze. “Me filtër” ka shkruar Rudina në përshkrimin e fotos teksa ka marrë shumë komplimenta nga ndjekësit.
