Kris Jenner ka folur për herë të parë për një nga ngjarjet më të bujshme brenda familjes Kardashian – videon me pullë të kuqe të vajzës së saj Kim Kardashian. Jenner u pyet gjatë intervistës për “Fox News” nëse falë videos, ku vajza e saj shfaqej lakuriq së bashku me Ray J, ajo dhe familja e saj mori famë ndërkombëtare.
“E di që nuk mund të kontrollojmë dot se çfarë njerëzit thonë dhe sigurisht që ishte një situatë shumë e vështirë për t’u kaluar” – tregon Kris, duke i bërë bisht pyetjes nëse prej videos u bënë të famshëm.
“E vetmja gjë që di me siguri është se mund të kalosh gjithçka, nëse qëndron e bashkuar si familje. Por nuk ja uroj asnjë nëne të kaloj, atë që kalova unë. Ishte shkatërruese.” – u shpreh Kris.
Mirëpo video me pullë të kuqe ishte një ogur i mirë për familjen Kardashian – Jenner, pasi falë saj arritën të ndërtonin një nga reality show-t më të ndjekura në botë, vetëm disa javë pas publikimit të saj. Sakaq, gjithmonë përflitet se pas publikimit të videos, është pikërisht Kris e cila kërkonte me doemos që vajza e saj të ishte e famshme.
