Pavarësisht gjithë dashurisë sonë për ditët me diell të verës, duhet thënë se ndonjëherë na kthehen në një makth të vërtetë. Përdorimi i kremit pudër që rrezikon ”të shkrijë’’ nga temperaturat e larta, përhapja e toneve të syve dhe një lëkurë që ”nuk merr frymë’’ nga mbingarkimi, janë gjëja e fundit që do të donim.
Mirëpo, cila është e mesmja e artë? Mjafton të drejtohemi tek Mario, i besuari ynë për të tilla çështje.
Përmes një videoje të shpërndarë në Instagram, Mario na dha një guidë të thjeshtë të grimit perfekt për këto ditë: konturim + highlighter në nivele minimaliste, buzë në ngjyrë pjeshke, tone sysh në nuancat e rozës me një fije të hollë peneli (jo shumë të errët) dhe ja kaq ishte.
