Tema e parë që u diskutua ditën e sotme në rubrikën “N’trotuar” në “E Diell” ishte “Punët e shtëpisë: meshkujt apo femrat?”.
Kjo temë ndezi debat në studio, ku disa e quanin normale që djemtë të ndihmojnë në shtëpi, të tjerë nuk preferonin një gjë të tillë.
Moderatorja e njohur, Alesia Bami, u shpreh se do donte që partneri i saj ta ndihmonte në punët e shtëpisë.
“Unë do doja që të mirëkuptohesha me partnerin tim. Jo që të më bënte punët e shtëpisë, por që të jetë një ndihmesë. Nëse unë jam jashtë shtëpie, ai të kontribuojë në shtëpi.
Djemtë e kanë për thyerje krenarie për të bërë punët e shtëpisë, por e kanë gabim. Nuk është thyerje krenarie bërja e punëve të shtëpisë”, tha Bami.