Pasi Bes Kallaku dhe Erion Isai morën skenaristin e njohur Vangjel Kozma për t’u zhvendosur në “Klan”, “Top Channel” ka nisur kërkimet për figura të reja për programin e humorit “Portokalli”.
Bëhet me dije se “Top Channel” i ka bërë ftesë aktorit shqiptar, Gazmend Gjoka, dhe ky i fundit e ka refuzuar.
Aktori i njohur i teatrit ishte menduar të bëhej pjesë e spektaklit të humorit, “Portokalli”, por me sa duket kjo gjë nuk do të ndodhë pasi ai nuk ka pranuar.
Për të gjithë ju që nuk e mbani mend, Gjoka ka qenë pjesë e “Portokalli”-së vite më parë.
Ai luante rolin e Bolit dhe atë të Xhonit, ku shfaqej bashkë me Ninin e Bules (Elvis Pupa).
Aktorë mjaft të njohur të humorit i janë larguar “Portokallisë” dhe ky sezon do të ketë shumë mungesa.
