Alketa Vejsiun prej një viti e ngatërrojnë me Alketa Turkajn, këngëtaren e njohur tashmë prej disa bashkëpunimeve me Dj Gimi. Jo prej pamjes, por Alketat i ngatërrojnë prej emrit.
Moderatorja ka postuar një video ku tregon se prej një viti njerëzit etiketojnë atë dhe jo këngëtaren.
“Po qeshim këtu me stafin sepse është një këngë e Dj Gimi që e këndon me një vajzë me emrin Alketa. Të gjithë njerëzit më tag-in prej një viti dhe mendojnë se unë këndoj këngë popullore. Kënga është shumë e bukur po unë nuk di ta dredh zërin kështu miq”, shprehet Vejsiu.
Ajo ka ripostuar videon e një fanseje që kishte etiketuar moderatoren. “Nuk jam unë ajo Alketa”, shkruan moderatorja, e cila më pas postoi edhe “Alketën e vërtetë.”
