Në videon e fundit të Bora Zemanit gjithë vëmendjen e ka marrë komenti i Ardit Çunit.
Moderatorja ka realizuar një video me një prej trendeve më të famshme të TikTok, atë me këngën e Bruno Mars “Leave the door open”. Për ata që nuk janë shumë të informuar nga TikTok, kjo këngë përdoret zakonisht në video ku njerëzit shfaqen duke folur në celular për të shprehur xhelozinë në çift, marrëdhënie shoqërore, apo edhe marrëdhënie prind-fëmijë. “Çfarë po bën, ku je? Oh, ke plane?”- nis trendi me fjalët e Bruno Mars dhe më pas personi që po realizon videon përdor një ton më të ashpër duke thënë: “Ku? Ku ke qenë? Me kë?”
Dhe sigurisht këtë video ndjekësit e kanë lidhur me Donald Veshajn. Mes shumë komenteve ka tërhequr vëmendje ai i ish-banorit të “Big Brother VIP”. “Quhet xhelozia e një bricjapi”– i ka shkruar ai referuar shenjës së horoskopit të moderatores duke e lidhur xhelozinë e saj me të qenit bricjap. Nga vetë moderatorja nuk ka patur asnjë reagim teksa ndjekësit që kanë replikuar me Arditin kanë qenë të shumtë.
