Bora Zemani dhe vëllezërit Donald dhe Romeo Veshaj kanë qenë padyshim treshja më simpatike e televizioneve shqiptare, që na kanë shoqëruar përgjatë një viti me emisionin e titulluar “Treshat”.
Ky format u prit goxha mirë nga publiku shqiptar me risitë që solli, teksa bujë shkaktoi aso kohe edhe largimi i Donaldit dhe Romeos nga “Al Pazar”, ku edhe e nisën karrierën e tyre dhe u bënë të njohur.
Mirëpo, duket se këtij cikli i ka ardhur fundit dhe tashmë treshat janë ndarë.
Borën do e shohim nga sezoni i ri televiziv në ekranin e “Top Channel”, lajm ky i bërë me dije nga vetë moderatorja e cila ka postuar një foto në ambientet e këtij televizioni.