Siç dihet prej kohësh këngëtarja e njohur Morena Taraku është larguar në Stamboll ku dhe ka nisur jetën e saj të re atje. Bukuroshja brune është një ndër personazhet më të ndjekur dhe aktiv në rrjetet sociale ku përditë publikon foto nga jeta e saj.
Mbrëmjen e djeshme, Morena ka publikuar disa video ku shihet duke ndjekur nga afër koncertin e reperit me famë botërore, Tyga, i cili është edhe ish i dashuri i Kylie Jenner. Siç shihet dhe nga pamjet ajo po e shijon në maksimum performancën e tij, ndërkohë që shihet shumë afër tij.
Kujtojmë që pak kohë më parë, pasi i kishte dhënë fund lidhjes me miliarderin iranian, Morena nëpërmjet një fotoje ku shfaqej me unazë diamanti la të kuptohej se është fejuar.