Moderatorja shumë e dashur për publikun, Jona Spahiu feston sot ditëlindjen. Ajo mbush 26-vjeç dhe në ditën e saj të veçantë nuk kanë munguar urimet plot dashuri dhe surprizat e shumta.
Jona ka marrë buqeta të ndryshme lulesh por në sy ka rënë ajo e dërguar nga kunata e saj, Drita. Kunata i ka dhuruar një tufë gjigante me lule të bardha.
Moderatorja dhe Drita gëzojnë një raport shumë të veçantë. Ato kanë për njëra-tjetrën një dashuri motrash. “Dritën unë e kam njësoj me motrën time, e trajtoj ashtu, e ndjej ashtu. Jemi po kaq të afërta, diskutimet i kemi njësoj dhe si mes motrash”, është shprehur Jona në një intervistë.
