Moderatorja e njohur Einxhel Shkira, e cila prej disa kohësh i ka munguar televizionit, është tepër aktive në profilin e saj në Instagram dhe pothuajse gjatë gjithë kohës në kontakt me ndjekësit.
Ajo ndan me ta momente të ndryshme nga përditshmëria dhe vetëm pak më parë ka bërë publik lajmin e hidhur të ndarjes nga jeta të një prej personave më të dashur për të, gjyshit të saj.
Moderatorja i ka dedikuar atij një shkrim prekës, bashkangjitur me foton e fjongos së zezë që e ka vënë në profil.
“Kush ka ndjerë dorën e gjysherve ti ledhatojë kokën, ka ndjerë se çfarë është dashuria…ka mësuar se nga vjen, kush është e kush do të bëhet kur ka marrë bekimin e tyre..Faleminderit që ishe një gjysh shembull për mua dhe familjen time! I paharruar do të jetë kujtimi yt.”- ka shkruar Einxhel në postim.
