Stresi duket se është përfshirë në një sherr virtual dhe ka shpërthyer në të shara kundrejt presonava që duket se e kanë ofenduar. Për disa ditë rresht, reperi ka bërë disa reagime të ashpra në rrjetet sociale, duke përdorur një fjalor jo të përshtatshëm.
Përmes një postimi të bërë mbrëmjen e kaluar në profilin e tij të Instagramit, Stresi i ka kërkuar ndjesë familjes së tij për fjalorin e përdorur.
“I kërkoj falje familjes sime që për fat të keq janë bërë pjesë e disa sharjeve shumë të neveritshme. E vetmja gjë për të cilën ja vlen të luftosh sot ëshë familja. Familja do të jetë gjithmonë arsyeja pse unë jetoj”.
Pas ndjesës së kërkuar, Stresi i drejtohet sërish personit që e ka mërzitur duke shtuar: “Ti more karkalac njeriu më i urryer në Shqipëri, më thuaj ku je dhe të premtoj që do vi të të takoj. Le t’i lëmë familjet jashtë, si burrat, veç unë edhe ti?”.
