Dikur dy reperat, Ledri Vula dhe Skivi, kanë qenë të pandarë nga njëri-tjetri. Ata ishin pjesë e grupit të famshëm Skillz, mirëpo që pas largimit të Ledrit nga ‘Skillz’ dhe ‘Babastars’, dyshja nuk foli për vite me njëri-tjetrin.
Pak muaj më parë, pasi Skivi lajmëroi largimin e tij nga ‘Babastars’, ai u fotografua në një kafe me Ledrin dhe të gjithë aluduan se dyshja tashmë ishin bashkuar për të risjell një bashkëpunim të ri.
I ftuar së fundmi në emisionin ‘Prive’, Skivi ka treguar se si i ka tani marrëdhëniet me Ledrin dhe ka shuar kuriozitetin e fansave për pajtimin e tyre.
“Kemi raporte më të mira se sa i kemi pasur. Në kohën kur jemi ndarë e ndoshta deri në kohën e fotografisë me Ledrin nuk jam parë hiç. S’kemi shkëmbyer as për mirë as për keq, por më pas u takuam dhe kolegët tuaj na fotografuan”, ka përfunduar Skivi.
