Të dashurohesh me dikë, është një nga gjërat më emocionuese që mund t’i ndodhë çdokujt.
Por, vetëm kur këto ndjenja vlerësohen. Dashuria që nuk ju kthehet, mund të bëhet një sëmundje e rrezikshme e cila do të ulë vetëvlerësimin tuaj dhe do t’ju bëjë të ndiheni sikur nuk e meritoni lumturinë.
Për fat të mirë, ka një kurë për këtë sëmundje.
Gjithkush dëshiron vetëm të jetë i lumtur por nëse shihni se marrëdhënia në të cilën ndodheni nuk ju sjell asgjë tjetër veçse dhimbje, atëherë po dashuroni personin që nuk ju do aspak.
Ndiqni këto 8 këshilla për të kapërcyer dhimbjen, për të dalë nga rrethi vicioz dhe për të vazhduar jetën tuaj.
1. Prano faktin se ai nuk është i duhuri për ty
Ky është hapi i parë. Pas këtij hapi, gjithçka bëhet më e lehtë. Mjaft e mashtruat veten dhe shikoni për dikë tjetër që t’ju meritojë.
2. Mendo për veten tënde në fillim
Duaje veten tënde dhe pjesa tjetër do të të ndjekë. Nuk ka të bëjë me egoizmin, por me të qënit i shëndetshëm dhe i lumtur. Nuk mund të keni asnjërën nga këto nëse vazhdimisht e shtypni veten duke i dhënë gjithë dashurinë dikujt që nuk i nevojitet. Të gjithën këtë dashuri përdoreni për veten duke e vënë atë prioritet. Mos prisni që të tjerët të vijnë dhe të kujdesen për ju. Përkëdheleni veten, hani ushqim të shijshëm, shkoni në kinema…jetoni jetën.
3. Kalo kohë me miqtë
Ndalo së menduari për djemtë për një sekondë dhe thjesht dil të argëtohesh me miqtë.
Ata do kuptojnë gjithçka që po kaloni dhe mund t’ju japin mbështetjen e nevojshme për të kapërcyer situatën .Dilni jashtë, shikoni filma, planifikoni një udhëtim së bashku dhe thjesht shijoni të qenit i vetëm për një herë të vetme. Do të ndiheni shumë më mirë.
4. Shkëpute veten
Ndërkohë që përqendrohemi në gjërat e këqija, ajo do të bëhet edhe më keq.
Por nëse përpiqemi të përqendrohemi në diçka të këndshme, stresi përfundimisht do të zbehet dhe do të ndjeheni pak më mirë, i lirë dhe i lumtur më vonë kur vazhdoni të bëni gjëra që ju sjellin kënaqësi.
Tentoni të bëni gjëra të reja, mundësi ka shumë.
5. Ndrysho pamjen tënde
Pamja jonë reflekton mënyrën se si ndihemi për veten tonë. Është koha për të hedhur rrobat e vjetra dhe për të marrë një pamje të re që do t’ju frymëzojë për të ecur përpara me jetën tuaj. Prisni flokët, blini veshje të reja; do të ndiheni aq mirë.
6. Planifiko një udhëtim të këndshëm diku
Sa më larg të jeni nga personi i gabuar, aq më mirë do të ndjeheni! Është e vështirë të harrosh dikë në një hapësirë zyre me pak metra katror apo edhe në një qytet. Është shumë më e lehtë për t’u qetësuar dhe për të kapërcyer emocionet e vështira kur nuk jeni në kontakt të drejtpërdrejtë me personin që shkakton të gjitha shqetësimet. Pra, paketoni çantat dhe shkoni në një pushim diku të këndshëm dhe të ngrohtë. Provoni Kamboxhia me tempujt e saj të mrekullueshëm, brigjet ekzotike të Tajlandës, ose një udhëtim piktoresk në Spanjë.
7. Bëni disa ushtrime fizike
Një nga mënyrat më të mira për të harruar të gjitha shqetësimet tuaja dhe të shpenzoni disa para shtesë gjatë kohës që jeni në këtë situatë, ide e mirë është palestra. Por edhe mund të provoni të shkoni në një pishinë, të vraponi çdo ditë ose të merrni disa mësime yoga. Vallëzimi është një tjetër mënyrë për t’u argëtuar ndërsa ushtroheni.
8. Jepi vetes kohë
Sado e dhimbshme mund të jetë, ju do ta jetoni proçesin e lënies pas të ndjenjave tuaja. Kjo vërtet kërkon kohë, veçanërisht nëse keni qenë në një marrëdhënie afatgjatë. Truri ynë dhe zemra, janë kokëforta.
