Këtë të mërkurë një ndër të ftuarat në emisionin ‘Soiree’ ishte aktorja durrsake Aishe Stari. Ajo numëron dhjetra role humori në skenë dhe në studio ka folur rreth mentalitetit të Durrësit, duke pohuar se dikur ka qenë pak i mbyllur.
Ajo ka treguar se mendimi ka qenë patriarkal. “Jo kaq të lira nuk kanë qenë. Mendimi ka qenë patriarkal. Më kujtohet kur shkova kur u hap shkolla e lartë për aktore dhe e kanë kapur mamanë time kushedi sa njerëz dhe i thoshnin ‘si e çove ti gocën për artiste, do t’ju prishet goca”, ka treguar aktorja e njohur Aishe Stari.
