Alvisa ka reaguar me një video në Instastory pas puntatës së djeshme në “Përputhen”, ku deklaroi se Hyseni e ka dhunuar e madje ka prova e fakte. Edhe në videon e publikuar sot, Alvisa thekson se ajo ende nuk e ka treguar versionin e saj të historisë dhe se gjithçka mund ta vërtetojë nga provat që ka ruajtur.
“Ju kërkoj falje sepse po dëgjoni një situatë super të shëmtuar që vetëm unë e di si ndihem. Dua të falenderoj të gjithë personat që kanë arritur të më kuptojnë dhe të më mbështesin. Përsa i përket situatës unë kam prova, kam fakte, për të gjitha gjërat që kam thënë. Unë nuk flas asnjëherë në ajër dhe për çdo fjalë timen unë do t’ju jap prova. Fati im i keq që kohët e fundit që kam pasur kontakte për të mos arritur në këtë gjendje, nuk kam bërë asnjë incizim dhe as një regjistrim sepse jam shumë naive, jam shumë e padjallëzuar dhe nuk e dija që gjatë gjithë kohës kam qenë e regjistruar. Por për fatin tim të mirë kam disa prova dhe fakte, ka ndodhur disa kohë më parë, por kam dhe dy gjëra që kanë ndodhur para disa ditësh. Meqë ai nga mendja nuk është mirë dhe po vazhdon me budallëqe, mos harroni keni dëgjuar vetëm një version, versionin tim jo sepse dje kam qenë shumë e shokuar, kam patur 7-8 veta duke më ofenduar, shumica duke duartrokitur dhe nuk kam ofenduar njeri sepse s’po i besoja veshëve dhe syve çfarë po shikoja. Keni dëgjuar vetëm versionin e atij dhe s’keni parë akoma provat dhe faktet e mia. Do jua vërtetoj shantazhimin, kërcënimin dhe dhunën”, shprehet Alvisa.
