Çifti shumë i komentuar në media, Elita Rudi dhe reperi Gjiko, prej disa ditësh kanë nisur pushimet së bashku me djalin e tyre, Zëri. Familja ka zgjedhur si destinacion Turqinë dhe vazhdimisht kanë ndarë me ndjekësit e tyre foto dhe video nga më të bukurat.
Moderatorja e njohur, Elita, ka postuar fotografi si me Zërin, si gjatë një eksperience noti me delfinë, si në krahët e Gjikos, njëra foto më e bukur se tjetra.
Së fundmi, Elita ka publikuar foton që padyshim është më e bukura ndër të gjitha. Ajo ka realizuar një bashkim foto-momentesh, ku në dy prej tyre shihet Zëri në krahët e saj, në një tjetër Zëri në krahët e Gjikos dhe në një të fundit shihet Zëri i vetëm duke u munduar te notoje me ndihmen e një komardareje.
Familja po kalon momente vërtetë të bukura në shoqërinë e njëri-tjetrit dhe këtë e tregon më së miri e qeshura që iu ka veshur fytyrat.
