Ditën e djeshme në rrjet qarkulluan lajme se Shqipja ka dalë në kafe me Andin dhe Melisën, pas çdo fjale që ka thënë për ta. Ajo ishte e para që hodhi akuzën se dyshja janë të lidhur.
Këto lajme nisën nga një video e publikuar nga Melisa në lokalin e Andit. Në sfond dëgjohej zëri i ish-konkurrentit, bashkë me një zë tjetër për të cilin u tha se ishte i Shqipes.
E ftuar në “Shqipëria Live”, ajo ka deklaruar se nuk ka dalë në kafe me dyshen.
“Kam qenë në Top Channel të premten me Arbrin që kam dhënë një intervistë. Nuk kam pirë kafe me Melisën dhe Andin. Ishte zë burri, nuk ishte i imi. Zëri im është shumë karakteristik ashtu edhe qeshura, nuk mund ta kenë të gjithë. Nuk më pëlqente si fliste dhe qeshte, ishte shumë e shëmtuar”, është shprehur Shqipja.
