DUA LIPA KRAH EMRAVE TË NJOHUR/ Bëhet pjesë e kauzës së rëndësishme (VIDEO)

Vitet e fundit Dua Lipa ka arritur një sukses të jashtëzakonshëm, duke shërbyer si një shembull për brezin e ri. Këngëtarja shqiptare shpesh ka përcjell edhe mesazhe shumë të forta për vajzat e reja që kanë ëndrra të mëdha dhe duan të arrijnë suksesin. Së fundmi Dua është bërë pjesë e një kauze shumë të rëndësishme për fuqizimin e vajzave dhe grave. Filantropistja e njohur Annie Lennox dhe ‘Apple Music’ kanë realizuar një film të shkurtër për të gjitha padrejtësitë që u bëhen miliona grave në mbarë botën, duke filluar nga misogjinia, përdhunimi dhe dhuna. Përkrah Dua Lipës në këtë film marrin pjesë edhe shumë emra të tjerë të njohur si: Ed Sheeran, Paloma Faith, Hozier, Frank Carter, Emeli Sande etj. Duke qenë se kjo kauzë është bërë publike një ditë para ‘Ditës ndërkombëtare të grave’, Dua Lipa është shprehur shumë e lumtur që është bërë pjesë e saj.