DUKET I FTOHTË? Kanye West është mbështetja më e madhe e familjes Kardashian-Jenner

Kanye West ka qëndruar shumë indiferent ndaj lajmit të tradhëtisë së Tristan Thompson ndaj Khloe Kardashian. E gjithë familja ka reaguar qoftë dhe me anë të një veprimi të thjeshtë, ndërsa Kanye është shfaqur shumë neutral në sy të publikut. Megjithatë kjo nuk tregon asgjë, sepse ai është mbështetja më e madhe e Khloe në këto momente. Një burim ka treguar për revistën ‘People’ se Kanye e ka marrë shumë seriozisht problemin e Khloes, sepse ai e sheh veten si kumbarin e familjes. “Kanye mendon se është kumbari i familjes dhe ai mendon se nëse dikush ngatërrohet me një person të familjes, ka punë me gjithë të tjerët. Kështu që tani Tristan dhe Jordyn janë pjesë e listës së tij”, – ka treguar burimi pranë tij për ‘People’. Në fakt duket se tek Kanye ka një ndikim shumë të madh, bashkëshortja e tij, Kim Kardashian, që është ende shumë e irrituar me skandalin e tradhëtisë së Tristan.