Kejvina ka dhënë intervistën e saj të parë pas daljes nga “Big Brother VIP”. Ajo ka folur për “Fan Club” ku ka treguar periudhën e vështirë pas daljes nga shtëpia.
“Kur kam dalur nga aty kam pasur shumë presion në rrjete sociale, shumë urrejtje, mallkime nga më të ndryshmet. Nuk ndihesha mirë në prani të njerëzve dhe thashë po filloj içik nga flokët mbase nuk më njohin direkt. Kanë qenë shumë agresiv dhe se kuptoj pse gjithë ajo urrejtje. Në fund të ditës ajo është një lojë. Askush nuk e kuptoi se si u ndjeva unë. Kam kërkuar falje publikisht për këtë gjest pasi nuk është diçka e mirë”, ka thënë modelja.
Kejvina ka treguar se familja e saj është mërzitur shumë nga komentet dhe se ato kanë ndikuar në përkeqësimin e shëndetit të të atit. “Familja ime është mërzitur shumë shumë nga komentet. Babai im vuan dhe nga diabeti, e ka përjetuar shumë keq dhe pas këtij episodi ka pasur dhe komplikacione me shëndetin”, ka shtuar e prekur modelja.
