Kim Kardashian ka bërë kërkesë për divorc nga reperi Kanye West, sipas mediave amerikane. Lajmi u përhap nga TMZ, pas disa muajsh vështirësi dhe krisje martesore në lidhjen e tyre.
Burimet pranë familjes Kardashian bëjnë me dije se ylli i “reality shoë” 40-vjeçarja Kardashian, ka kërkuar që kujdestaria për fëmijët të jetë e përbashkët.
Çifti më i famshëm i showbiz-it kanë shtatë vjet të martuar dhe kanë katër fëmijë së bashku, ndërkohë që asnjë prej tyre nuk i ka komentuar ngjarjet e fundit.
Të dy janë tepër të suksesshëm, teksa kujtojmë që Kim mori famë të madhe në vitin 2007 si ylli i serialit “Keeping up ëith the Kardashians”.
Ajo më pas mori famë gjithashtu dhe në rrjete sociale, në biznes apo fushën e “make-up”. Kanye West ka qenë një nga emrat më të mëdhenj në muzikën rap për mbi 15 vjet dhe gjithashtu ka gjetur sukses të jashtëzakonshëm si një stilist.
Çifti ishin miq për vite përpara se të bashkoheshin. Ata kishin vajzën e tyre të parë, North, në 2013 me tre fëmijë të tjerë, Saint, Chicago dhe Psalm, pas martesës së tyre në 2014.
