Ronela Hajati prej ditësh po shijon pushimet larg Shqipërisë dhe mesa kemi vënë re, është duke kaluar shumë mirë. Ajo ka qenë shumë aktive në rrjetet sociale duke postuar pafund foto nga pushimet luksoze, herë duke kërcyer në clube dhe herë duke shëtitur rrugëve të Miamit
Pas ndarjes nga Zerka, ajo ka vijuar jetën e saj dhe mund të themi që është gati për një ndryshim. Fotoja e fundit e publikuar nga artistja është në plazhet e Miamit teksa shijon një pije freskuese. Por ajo që na bëri përshtypje ishte shkrimi në foton e Ronelës.
Ajo ka zgjedhur të shkruajë ‘restarting’, pra rifillim. Dhe mesa kuptojmë Ronela është gati për një fillim të ri në jetën e saj, larg të shkuarës dhe ndoshta me të reja të bukura. Na mbetet të presim se si do jetë ky rifillim për Ronelën.
