Olsi Bylyku u kthye në një kohë të shkurtër ndër aktorët më të dashur të ‘Portokalli’ edhe pse erdhi si një hyrje e re. Humorin duket se e ka në gjak dhe nuk nguron ta shfaqë edhe jashtë skenës. Në një kohë kur suksesi i tij ka kaluar edhe në skenën e muzikës me këngën e parë të publikuar ‘Një gotë dashni’ dhe sukseset e 20-vjeçarit vetëm shtohen, ai ka ndarë me të gjithë një foto të veçantë krah moderatores së njohur Arjola Shehu. Në foto ai shkruan: “Me gocën që bëri intervistën time të parë”, ndërkohë që më të tej me disa grimca humori le të nënkuptuar faktin se Arjolës akoma nuk i është rritur mendja, pavarësisht suksesit në televizionin Klan.
