E KRITIKOJNË SËRISH PËR TRUPIN/ Bebe Rexha refuzon të “mbulojë” defektet e saj në videoklipin e fundit

Bebe Rexha është kritikuar shpesh herë nga stilistë apo dhe nga fansat e saj, duke e quajtur atë të shëndoshë. Megjithatë, Bebe është një nga artistet më me besim në vetvete dhe gjithmonë tregon se dashuron çdo defekt në trupin e saj. Të njëjtën gjë e ka bërë dhe në videoklipin e këngës ‘Last Hurrah’, ku ka treguar pa frikë linjat dhe të çarat në lëkurë. Edhe pse disa i janë drejtuar duke i thënë se duhet t’i mbulojë, ajo ka refuzuar të bëjë diçka të tillë. “Doja të bëja një video për natyrën e gjallë të njeriut. Njerëzit kanë momentet e tyre të çmendura dhe të gjithë kanë historitë e tyre. Të gjithë kanë bërë diçka të keqe në jetën e tyre, qoftë alkooli, tradhtia apo kthimi me ish-in. Dikush pa videon time dhe më tha se duhet të mbuloja të çarat në lëkurë dhe unë i thashë se nuk kemi për ta bërë asnjëherë këtë gjë. Është koha për të pranuar çdo gjë”, u shpreh Bebe gjatë një interviste për ‘MTV’. Vetëm 2 javë pas publikimit, kënga ‘Last Hurrah’ ka arritur me miliona klikime.