Aktori shumë i dashur për publikun, me rolet si “Ramadani” apo “Kapo”, Ledio Lako ka zbuluar këtë të diel në “Sekretet e Portokallisë” se kur ishte 19 vjeç ka mësuar emrin e tij të vërtetë.
“Kur linda unë, ishte e diel dhe ma vuri babai emrin Ediel, por me theks francez, jo kështu siç e thua ti. Erdhi gjyshja dhe tha në asnjë mënyrë këtë emër. Dhe nga Ediel, e kthyen Ledio, Ledian
Në moshën 19-vjeçare e kam marrë vesh që unë e kisha emrin Ledian, se gjithmonë në dëftesë e kam pasur Ledio. Kur shkoj në gjendje civile, më duhej një certifikatë, dhe u preva. I thashë “ç’është ky emër Ledian?” Kështu e ke, më tha. Me zor e kam ndërruar, e kam bërë Ledio Lako pastaj”, tregoi aktori.
