Një ngjarje e papritur ka ndodhur puntatën e sotme të Për’puthen, ku Saidja ka rënë në tokë pa ndjenja. Konkurrentja po lexonte një letër që kishte përgatitur për Gertin, djalit të cilit i dhuroi puthjen e parë në program.
E emocionuar Saidja fillimisht ka përqafuar konkurrentin dhe më pas ka nisur të lexojë letrën që kishte përgatitur për të, por njëkohësisht dallohej se ajo po dridhej nga emocionet. Më pas Saidja është rrëzuar në tokë pa ndjenja, ndërsa konkurrentët dhe produksioni i kanë dhënë ndihmën e parë.
Pas këtij veprimi moderatorja Megi Pojani është detyruar të kalojë menjëherë në publicitet. Saidja më pas është marrë nën monitorimin e mjekut dhe ndodhet në gjendje të mirë shëndetësore.
Megi Pojani sqaroi se konkurrentja pas ngjarjes ka shprehur se i ka ndodhur edhe herë të tjera për shkak të emocioneve të forta.
