Një balenë ka ngordhur në Tajlandë pasi gëlltiti 80 qese plastike.
Balena nxorri 5 çanta plastike gjatë një përpjekje të kotë të zyrtarëve të ruajtjes për ta shpëtuar atë në një kanal në provincën Songkhla.
Qeset që peshonin 8 kg, kishin bërë të pamundur që balena të hante ushqim, tha një ekspert detar.
Një raport i kohëve të fundit paralajmëroi se sasia e plastikës në oqean mund të trefishohet në një dekadë, nëse nuk u kufizohet hedhja e mbeturinave.
Tajlanda është një përdorues i madh i qeseve plastike dhe qeveria e saj muajin e kaluar njoftoi se po shqyrtonte vendimin për të vendosur një taksë mbi to.
Lëndët plastike vrasin gjallesa kafshë detare në Tajlandë çdo vit.
Balena e vogël u zbulua se ishte e sëmurë dhe se nuk ishte në gjendje të notonte në kanalin Na Thap të hënën e kaluar.
Zyrtarët e mjedisit përdorën anije në përpjekje për të ndihmuar balenën dhe ngritën një tendë për të.
Ata e ushqyen balenën gjatë javës, por ajo ngordhi të premten pasdite.
Biologu detar Thon Thamrongnawasawat i tha agjencisë France-Presse se qeset e bënin të pamundur që balena të hante ushqime.
“Nëse keni 80 qese plastike në bark, ju vdisni,”-tha ai.
