Këngëtarja e njohur, Adelina Tahiri, ka disa vite që është martuar me Serjoza Markov. Fillimisht ajo nuk ndante foto me të shoqin e saj, por tani pavarësisht kritikave të shumta që ka marrë, nuk e ka aspak problem të ndajë poza me të.
Së fundmi, këngëtarja ka ndarë me ndjekësit në “Instagram” disa poza mjaft “hot”, ku shfaqet së bashku me bashkëshortin e saj. Në imazhet në fjalë, Adelina dhe Serjoza kanë pozuar nga pushimet e tyre luksoze.
Këngëtarja shfaqet e ulur në prehrin e bashkëshortit të saj, e ndërkohë zbulon edhe se pse ndihet si mbretëreshë.
“Jam mbretëreshë! Se e kam mbretin afër”, shkruan Adelina bashkëngjitur me pozat që kanë marrë mijëra pëlqime dhe komente.