Pas kthimit nga Shtetet e Bashkuara të Amerikës, këngëtarja e njohur Elvana Gjata ka publikuar disa këngë duke i shoqëruar edhe me videoklip. Vetëm një javë më parë ajo nxori “Ku vajti” që u pëlqye shumë nga fansat.
Por nga postimet që bën në llogarinë e saj në “Instagrm” duket se këngëtarja po vazhdon të punojë për projekte të reja muzikore, që pritet t’i publikoje gjatë verës.
Sot Elvana ka përshëndetur ndjekësit e saj me një foto ku nuk kanë munguar komentet e shumta ku e komplimentojnë për pamjen. Por një koment i reperit të njohur ka tërhequr më shumë vëmendjen, duke ngjallur gjithashtu dyshime mes fansave se ata të dy po përgatisin një bashkëpunim.
“Ti mike”, shkruan Ledri në foton e Elvanës, që fansat supozojnë se mund të jetë titulli i këngës së re mes dy yjeve të muzikës shqiptare.
Edhe pse fansat po shprehin dëshirën për një këngë të Gjatës dhe Ledrit së bashku, ata të dy ende nuk kanë reaguar në lidhje me këto komente.
