Modelja e famshme shqiptare Emina Cunmulaj është një nga personazhet më të dashur e më të komentuar të showbiz-it shqiptar. Ajo shpeshherë poston në profilin saj në Instagram momente nga përditshmëria.
Ditën e sotme ajo ka postuar video ku tregon se shumë shpejt do të vizitojë Shqipërinë për një mision të rëndësishëm humanitar. Ajo do të rikthehet të ndihmojë njerëzit në nevojë me të ardhura, kryesisht fëmijët jetimë.
“Miq të dashur, në tetor do të vizitoj Shqipërinë, për disa projekte humanitare, si Anëtare e Bordit të Fondacionit Fundjavë Ndryshe. Vitin që lamë pas unë vizitova disa familje në varfëri ekstreme në Shkodër, Shqipëri, duke i ardhur në ndihmë. Shpresoj që këtë vit të bëjmë diçka më të madhe” – shkruan Emina mbi videon e postuar.
