Prej kohësh, Era Istrefi përflitet se është në një lidhje me këngëtarin britanik Julian Perretta. Dyshja nuk ka pranuar asgjë publikisht, por disa detaje në rrjetet e tyre sociale të bëjnë të mendosh se mes tyre ekziston vërtetë diçka më shumë se miqësi. Këtu flasim për komentet flirtuese, apo fotot që publikojnë krah njëri-tjetrit.
Së fundmi, Era ka publikuar disa video në ‘Instastory’, ku shfaqet duke kënduar dhe kërcyer në një diskotekë, teksa Julian performon në skenë.
Këngëtarja shqiptare duket dhe në shoqërinë e një mikeshe të saj, megjithatë nga këto video kuptohet qartë se Era është ‘fansja’ numër një e partnerit të saj.
