Ndonëse as ajo as bashkëshorti Besart Kallaku ende nuk e kanë konfirmuar lajmin e shtatzënisë, mediat rozë prej disa javësh flasin për këtë çështje.
Sipas raportimeve të fundit, thuhet se Xhensila Myrtezaj është në pritje të një vajze dhe është në muajin e pestë të shtatzënisë.
Por edhe pse ajo në fotot e saj të fundit është munduar ta fshehë barkun, rrumbullakësia e tij ka filluar të jetë gjithnjë e më e dukshme dhe kjo është vënë re dhe së fundmi në një club ku këngëtarja ka qenë e ftuar për të performuar hitet e saj.
Xhensila kishte zgjedhur një xhaketë të zezë oversize, por as kjo e fundit nuk ka mundur dot ta fshehë barkun e saj të fryrë.
Siç shihet në videot e postuara nga fansat e këngëtares, rrumbullakësia tashmë është mjaft e dukshme.
Ajo që mbetet tashmë është vetëm konfirmimi.
