Filloreta Raçi është artistja shumë e dashur nga Kosova, emri artistik i së cilës është Fifi.
Prania e saj në programin “Shiko Kush Luan” në Top Channel jo vetëm që ka argëtuar publikun por gjithashtu na ka njohur disi edhe me karakterin e saj dhe anën e saj çapkëne.
Në një intervistë të shkurtër për “Prive.al” Fifi ka treguar për herë të parë ofendimin më të rëndë që ka dëgjuar për veten dhe duhet theksuar se këtë gjë e ka pritur me shumë sportivitet.
“I qet tulet pa komplekse” -ka treguar ajo duke qeshur duke nënkuptuar se njerëzit ende gjykojnë në bazë të peshës dhe formave trupore, gjë që për këngëtaren nuk duhet të ekzistojë.
