Këngëtarja Fjolla Morina pak ditë më parë ka publikuar këngën e saj më të re të titulluar ‘Si ta pranoj’. Kënga është një dedikim për ish-partnerin e saj dhe u prit mjaft mirë nga publiku dhe vargjet e saj i prekën të gjithë.
E ftuar së fundmi në ‘Prive’, këngëtarja e njohur ka folur e prekur për këtë realizim dhe madje është përlotur teksa ka folur për tekstin domethënës të këngës.
Ndër të tjera gjatë intervistës së saj, Fjolla ka zbuluar se të gjitha fitimet që do të vijnë nga klikimet në YouTube të këngës së fundit do të shkojnë për bamirësi, një gjest human ky që është komplimentuar shumë nga fansat.
