Patrick Ta është një nga grimierët më të njohur, i cili e ka fituar famën e tij nëpërmjet ‘Instagram-it’. Pas shumë vitesh karrierë dhe punë me emrat më të njohur të ‘Hollywood’, Patrick ka lançuar linjën e tij të kozmetikës dhe këtë e ka prezantuar në një event madhështor të organizuar nga ai. Në event gjendeshin disa nga personat më të njohur si: Shay Mitchell, Nikita Dragun, grimieri i njohur dhe miku më i ngushtë i Anxhelinës, Ariel, Samuel, etj. Ndër to gjendej dhe këngëtarja e njohur shqiptare Albërije Hadërgjonaj dhe vajza e saj Anxhelina. Dyshja ishte kombinuar shumë mirë me njëra-tjetrën, pasi kishin vendosur të visheshin me të bardha. Anxhelina vodhi vëmendjen e të gjithëve me kërcimin e saj, ndërsa Albërija dukej se ishte fansja e saj më e zjarrtë pasi mundohej të kapte çdo moment në video. Nëpërmjet postimeve në ‘Instagram’ mund të shohim se nënë e bijë ia kanë kaluar shumë bukur bashkë, ndërsa me të ftuarit dukeshin shumë të afërta.
