Për të folur mbi eksperiencën në Eurovision, Eugent Bushpepa ishte i ftuar sot në “Top show” ku që në fillim të programit u pyet si iu duk Lisbona ku qëndroi pak ditë.
Eugenti tregoi se vizitoi disa vende atje, por ajo që i kishte lënë përshtypje ishte fakti që portugezët ishin njësoj si shqiptarët.
“Portugezët ishin gati të njëjtë me shqiptarët. U ndjeva si në shtëpi. Vizituam disa vende”, u shpreh Eugenti.
Këngëtari shoqërohej në Lisbonë nga delegacioni dhe nga e fejuara e tij, Andia.