Big Basta ishte sonte i ftuar në emisionin “Në Kurthin e Piter Pan” ku vogëlushët i drejtuan pyetje nga më të ndryshmet, sigurisht dhe nga jeta private. Një prej tyre e pyeti për njohjen me bashkëshorten e tij, këngëtarja Vesa Luma.
Big Basta tha se janë njohur në “Dancing With the Stars” dhe nga aty ka nisur afrimiteti mes tyre. Këngëtari shtoi se në ditët e para i ka çuar Vesës një pjatë me fasule.
“Vesën e dua shumë sepse ne kemi shumë vite bashkë por takimin tonë të parë bashkë e kemi pasur në Dancing With the Stars. Ngaqë Vesa nuk më kërkonte tekste për artistët e tjerët i shkova i thashë po ti pse s’më ke kërkuar ndonjëherë. Pastaj aty filloi afrimitetit mes nesh.
Në atë kohë Vesa rrinte në hotel bashkë me konkurrentët e tjerë dhe mendova se i mungonin ushqimet tradicionale, i thashë mamit të më gatuante diçka dhe më bëri fasule.
Të nesërmen i çova Vesës fasule edhe ma ktheu pjatën me fasule dhe plot me dashuri”, tregoi ai.
