Ish banorja e “Big Brother” i "rrëmben" programin Jonida Shehut, ja eksperienca në televizion e Alba Çobaj - AlpeGossip
Ish banorja e “Big Brother” i “rrëmben” programin Jonida Shehut, ja eksperienca në televizion e Alba Çobaj

Ish banorja e “Big Brother” i “rrëmben” programin Jonida Shehut, ja eksperienca në televizion e Alba Çobaj

Përpara pak kohësh u përfol se prezantuesja Jonida Shehu do të fillonte një punë të re në televizionin “Klan Plus”, por më pas këto fjalë u hodhën poshtë. Së fundmi, u tha se moderatorja e njohur do të prezantojë një emision në “TV Klan”, por duket se as kjo nuk është e vërtetë.

Burime për mediat, kanë treguar se në fakt prezantuesja e këtij emisioni nuk do të jetë Jonida, por ish-banorja e “Big Brother”, Alba Çobaj. Më parë, mendohej se Alba do të ishte thjesht gazetare në këtë emision, por tani, mesa duket, ajo ka marrë një rol të ri, atë të moderatores.

Gjithashtu është mësuar se emisioni do të transmetohet nga ora 10:00-12:00 paradite, ndërsa formati ekzakt i këtij emisioni të ri në televizionin “Klan”, mbetet ende enigmë. Ndërkohë, Jonidën e kemi parë në projekte të shkëputura në ekran, që nga largimi nga emisioni i pasdites në “Top Channel” në tetor të 2017-s, punë që e la në mes sezoni. Ajo u zëvendësua nga spikerja e lajmeve, Juli Krisafi.

Por cila është eksperienca e mëparshme në televizion e Alba Çobaj, e cila e ka shprehur publikisht pasionin për gazetarinë me intervistat improvizuese që u bënte lojtarëve në shtëpinë e vëzhguar nga kamerat? Pas famës nga ky “reality show”, ajo nisi një program televiziv në “In Tv” me titull “Gossip girl”.

Ajo e moderoi një sezon këtë program me personazhe VIP të ftuar, një eksperiencë kjo që u ndërpre me fillimin e sezonit të ri. Emisioni i saj u mbyll për t’u zëvendësuar nga një tjetër format, që prezantohej nga Kelvi Kadilli dhe Sara Kolami. Në atë periudhë, Alba shprehu hapur zhgënjimin e punës në TV, duke deklaruar se nuk do të punonte kurrë më në televizionet shqiptare të mbushur me intriga e bërryla, por kurrë mos thuaj kurrë! Mesa duket, Alba ka ndryshuar mendimin duke e provuar sërish këtë punë.